Մոնոներկայացում այն մասին, թե ինչ է տեղի ունենում, երբ անձնական ցավը վերածվում էընդվզման՝ ընդդեմ աշխարհակարգի:
Ի՞նչ անել, երբ բոլոր նրանք, ում սիրել ես, հեռանում են ու չեն վերադառնում: Ինչպե՞ս ապրել, երբ քոաղոթքները մնում են անպատասխան: Եվ հնարավո՞ր է միայնակ դիմակայել բռնությանհավերժական շրջապտույտին:
Մոնոներկայացումը՝ հիմնված Սոնա Վանի ազդեցիկ ստեղծագործությունների վրա, բացահայտում է մի կնոջ պատմություն, ով համարձակվեց մարտահրավեր նետել հենց ճակատագրին: Սա անկեղծ զրույց է անձնականի և համընդհանուրի, սիրո և կորուստների, հավատի և հուսահատության, անզորության և վճռականության մասին:

Անսպասելի ընթացք ու հանգուցալուծում ունեցող «Հոբելյանական հաճախորդ» հոգեբանական դրամայի սյուժեն կենտրոնանում է տղամարդու և կնոջ պատմության վրա, որոնց ճանապարհները հատվում են ծայրահեղ ճնշման և թեժ մթնոլորտի պայմաններում, որտեղ ամեն պահ փորձարկում է նրանց զգացմունքներն ու որոշումները:
Նրանց փոխազդեցությունը սկսվում է որպես սովորական սիրախաղ, բայց աստիճանաբար ձեռք է բերում բարդություններ և նրբերանգներ՝ վերածվելով անսովոր և ինտրիգային արդյունքի։ Նրանք սիրում են, ատում, ծիծաղում, լաց լինում, խաղում, ստում, ուրախանում ու տառապում, վիճում ու ներում, կորցնում, գտնում ու նորից կորցնում…
Դիտողները ականատես կլինեն կրքի և կոնֆլիկտի անսպասելի բռնկումներին, որոնք կստիպեն նրանց մտածել պահերի արժեքի և ամենաանսպասելի հանգամանքներում երջանկություն գտնելու հնարավորության մասին:

Համերգ-ներկայացումը նվիրվում է Շառլ ազնավուրի 100-ամյա հոբելյանին:
Ըստ Շ.Ազնավուրի «La Bohème. Անցած օրեր» հուշագրության:

Երազանքին հասնելու բարդ ճանապարհի, ընկնելու և ոտքի կանգնելու, խիզախելու և հաջողելու մասին է այս համերգ-ներկայացումը: Մտերմիկ երեկոյի ընթացքում միասին կվայելենք լեգենդար հայի երգերն ու կծանոթանանք նրա կյանքի ամենահիշարժան և նշանակալից դրվագների հետ:

Դերերում

Լուիզա Ներսիսյան և Դավիթ Քացառավա (Վրաստան)

«Պինգվինները» ներկայացումը երեխաներին հնարավորություն կտա հետևել գործողություններին հենց պինգվինների դիտանկյունից։ Նրանք համախմբում են ընկերության, մտերմության և բարության թեմաները, պարզ և մատչելի լեզվով։ Այդուամենայնիվ, հավատարմության և օգնության ձեռք մեկնելու կարևորության մասին փոքրիկ հանդիսականը կսովորի դահլիճ մտնելու առաջին իսկ րոպեներից։

Պատկերացրեք՝ վերջապես ներկա եք աշխարհահռչակ հրաշագործ Դեյվիդ Կոպերֆիլդի Հայաստանյան հյուրախաղերին։ Ամեն բան հիանալի է, հնարքները՝ մեկը մեկից հետաքրքիր ու զարմացնող, բայց, երկու հայ հանդիսատեսի պատճառով, ելույթն ընդհատվում է։
Այս ամենին զուգահեռ, բեմում զարգանում է անսպասելի սիրո մի պատմություն, ինչն էլ ևս մեկ անգամ փաստում է, որ սիրո համար գոյություն չունեն աշխարհագրական և լեզվային սահմաններ։