fbpx

Ի Զե՛ն

Պրեմիերա17.02.2006
Տևողություն2 ժամ 10 րոպե
Ընդմիջում1
Տարիք16+

«Ի զե՛ն:
Որքան թափ ու թև կա այդ սեղմ խոսքի մեջ:
Քիչ լեզուների է տրված հայոց այդ մի զույգ բառերի արտահայտչական թափը:
Հերոսական խելահեղ մի մարշ է դա, որ ոտքի է հանում բանակները, շարժում, փոթորկում և վարում դեպի ստույգ հաղթանակ:
Դա հարուցիչ կանչ է, որի սրբազան իմաստին հնազանդվելով` քանի-քանի անգամ հայոց բանակները, կատաղությամբ հարբած, շարժվել են դեպի Հայաստանի սահմանները և մահվան դեմ լեռնացել»:

Այս պատմության հերոսները մարդիկ են, ովքեր վաղնջական ժամանակներից երազել են խաղաղության մասին: Նրանք փնտրում են ելք, որպեսզի կարողանան աշխատել, ապրել և արարել: Ավա՜ղ , մեծ տերությունների ղեկավարները գոռում են, մատ թափ տալիս և կայացնում անհասկանալի որոշումներ, որոնք տվյալ ժողովրդի համար անընդունելի են և անհասկանալի:

Հեղինակներ

Արա Երնջակյան
Պիեսի հեղինակ և բեմադրող ռեժիսոր

ԴԵՐԱԿԱՏԱՐՆԵՐ

Կեսարի Խրախճանքը

Պրեմիերա17.01.2021թ.
Տևողություն1 ժամ 40 րոպե
ԸնդմիջումՉկա
Տարիք18+

Երբ Ներոնը ծնվեց, նրա հայրը բացականչեց. «Իմ և Ագրեպինայի միությունից ոչինչ չէր կարող ծնվել բացի չարիքից»:
Սա պատմություն է Ներոնի ուսուցիչ Սենեկայի մասին, ով երազում էր դաստիարակել Սենատն ու Հռոմի հնագույն օրենքները հարգող պատանու։ Նա հուսով էր, որ Ներոնը կմեծանա որպես բարեսիրտ առաջնորդ և անցյալում կթողնի նախկին կեսարների դաժան ժամանակները: Սակայն, մեծագույն բարիախոսը դաստիարակեց մեծագույն մարդասպանին: «Ով գեթ մեկ անգամ զգացել է, թե ինչ բան է Աստված լինելը, նա այլևս երբեք կանգ չի առնի»:
Պիեսն իր արդիականությունը պահպանել է մինչև այսօր ու կպահպանի հավերժ, որովհետև մարդկային բնությունը երբեք չի փոխվում, այն հավերժ ձգտում է կատարյալ իշխանության:

Հեղինակներ

Արա Երնջակյան
Վարկածի հեղինակ
Արշալույս Հարությունյան
Բեմադրող ռեժիսոր

Դերասաններ

Ծննդյան Վկայական

Պրեմիերա17.08.2022
Տևողություն1 ժամ 35 րոպե
ԸնդմիջումՉկա
Տարիք12+

Ո՞րն է հայ ժողովրդի ազգային գաղափարախոսությունը, որո՞նք են գլխավոր նպատակները, ի՞նչ ուղղությամբ պիտի առաջ շարժվել և որո՞նք են հիմնական խոչընդոտներն այդ ճանապարհին՝ այս հարցերի շուրջ կարելի է երկար մտորել, քննարկել, բայց արդյո՞ք դրանց պատասխանները սահմանված են ու ընդունելի են բոլորի համար։
«Ծննդյան վկայական»՝ հայ ժողովրդի ծագման և կազմավորման պատմություն, որտեղ հնչում են մեր ծննդյան վկայականի՝ “Ե՞րբ, որտե՞ղ և ինչպե՞ս է ծնունդ առել հայ ժողովուրդը” ամենահրատապ հարցերի պատասխանները։

Հեղինակներ

Արա Երնջակյան
Պիեսի հեղինակ և բեմադրող ռեժիսոր
Վահե Գրիգորյան
Երաժշտական գործիքավորում

ԴԵՐԱԿԱՏԱՐՆԵՐ

Տղաները չափն անցնում են

Պրեմիերա07.03.2019
Տևողությունը1 ժամ 30 րոպե
ԸնդմիջումՉկա
Տարիք18+

“…Չկա՛ն տգեղ կանայք։ Կան կարճատե՛ս տղամարդիկ”:
Այս ներկայացումը կանանց է նվիրված:
Համեմված երնջակյանական նուրբ հումորով և, իհարկե, կանանց մեծարմամբ:

Հեղինակներ 

Արա Երնջակյան
Պիեսի հեղինակ
Արշալույս Հարությունյան
Բեմադրող ռեժիսոր
Վահե Գրիգորյան
Երաժշտական գործիքավորում

Դերակատարներ

Սոնա Մաթևոսյան

Դերասանուհի
Ծննդյան ամսաթիվ20․04․1989թ․
ԾննդավայրՔ. Երևան
ԿրթությունԵրևանի կինոյի և թատրոնի պետական ինստիտուտ, Տիգրան Գևորգյանի արվեստանոց

Սոնա Մաթևոսյանի դերասանական կարիերան սկսվել է ուսանողական տարիներին․ խաղացել է «Ոսկե բանալի», «Ես քեզ այլևս չեմ ճանաչում», «Ճանճերը» ներկայացումներում։ Տիկնիկային թատրոնում խաղացել է «Քիթը», «Քրիստոֆեր», «Ալիսան հրաշքների աշխարհում», «Վհուկ» ներկայացումներում, իսկ Պատանի հանդիսատեսի թատրոնում՝ «Վիրուս», «Լիր արքա», «Մերսեդես», «Հրավիրված եք ծնունդի», «Վերջին ուսուցիչը», «Իուարշայի սուրը», «Օզ երկրի հրաշագործը», «Մաթիուս և Մաթիլդա», «Շխոնց Միհրանը» և այլ ներկայացումներում։ Սոնան նաև մարմնավորել է Գ․Սունդուկյանի անվան ազգային ակադեմիական թատրոնի «Սասնա ծռեր» ներկայացման գլխավոր հերոսուհուն, ինչպես նաև զբաղված է «Կին Կոդ» և «Անտանիք ընտանիք» անտիպրիզային ներկայացումներում։
2015թ․-ին մասնակցել է Ռուսաստանի թատերական գործիչների միության Ալ․Կալյագինի ղեկավարած ամառային թատրեկան դպրոցի դասերին, որի շրջանակում խաղացել է Ալեքսեյ Իշյուկի “Tаинственные знаки” պլաստիկ ներկայացման մեջ։
2017թ.-ին Նորվեգիայում Ստելլա Պոլարիս թատրոնում հաճախել է ամառային դպրոց։
Սոնա Մաթևսյանի մուտքը Կամերային թատրոն տեղի ունեցավ 2020թ․-ին՝ «Կառավարական համերգ» ներկայացումով։ Այնուհետև խաղացել է թատրոնի խաղացանկային «Cabaret Restart», «Ի զե՛ն», «Ծննդյան վկայական», «Ռոմեո և Ջուլիետ», «Fe – Show», «B-1427» ներկայացումներում։
Դերասանուհին նկարահանվել է նաև «Քաղաքում», «Երկուսով», «Աութդենս», «Ժառանգություն», «+-23» և «Women’s club» հեռուստանախագծերում։

Ներկայացումներ

Լուիզա Ներսիսյան

Դերասանուհի
Ծննդյան ամսաթիվ23․07․1977թ․
ԾննդավայրՔ. Երևան
ԿրթությունԵրևանի կինոյի և թատրոնի պետական ինստիտուտ, Հակոբ Ղազանչյանի արվեստանոց
Մրցանակներ
2007թ․ Armenian Award «Լավագույն դերասանուհի»,
2013թ. ՀՀ Ազգային Ժողովի նախագահի շնորհակալագիր,
2013թ. Ազգային կինոյի «ՀԱՅԱԿ» ամենամյա մրցանակաբաշխության «Լավագույն դերասանուհի»,
2015թ. ՀԹԳՄ «Արտավազդ» մրցանակաբաշխության «Լավագույն կին դերակատար»,
2019թ. ՀՀ մշակույթի նախարարության Ոսկե մեդալ։

Լուիզա Ներսիսյանի դերասանական կարիերան սկսվել է դպրոցական տարիներին։ Նա հաճախել է Սաթենիկ Թոփուզյանի ղեկավարած մարիոնետների թատրոն, որտեղ խաղացել է իր առաջին դերերը` «Անուշ» և «Կարմեն» ներկայացումներում:
Ուսանողական տարիներին «Հ1» հեռուստաալիքով վարել է «Երաժշտական փոստարկղ»-ը, նկարահանվել է «Հ2» հեռուստաալիքի «Պահմտոցի+» հաղորդաշարում։
1998-2000թթ. աշխատել է Երևանի Պատանի հանդիսատեսի թատրոնում` որպես դերասանուհի։
Երևանի Կամերային թատրոնի դերասանուհի է 2000թ.-ից։
2001–2003թթ. հանդիսացել է Երևանի Կամերային պետական թատրոնի «ԵրԿաԹ» պատկերասրահի համակարգողը:
2002–2003թթ. վարել է «ԵրԿաթ TV»-ի և «ՅԱՆ TV»-ի մի շարք հեռուստահաղորդումներ։
Արմենիա TV-ով վարել է «Պարում են աստղերը», «Սարերից այն կողմ», «Բարի լույս», «Բարի գիշեր» հեռուստանախագծերը, Հ1-ով՝ «Դեպի կինո» հեռուստանախագիծը։
Լուիզա Ներսիսյանը Կամերային թատրոնի կազմում բազմաթիվ միջազգային և հանրապետական թատերական փառատոների մասնակից է, եղել է նաև ժյուրիի կազմում։

Երևանի Կամերային թատրոնի բեմում Լուիզա Ներսիսյանը կերտել է մի շարք վառ և տպավորիչ կերպարներ այնպիսի ներկայացումներում ինչպիսիք են՝ «Սասունցի Դավիթ Կոպերֆիլդ», «Կաբարե», «Միսս Հայաստան անաստվածային կատակերգություն», «Ալբանիա +»,  «Կառավարական համերգ», «Էտյուդ կանանց մասին», «Արմմագեդոն», «Լուսատտիկների կանչը», «Ի զե՛ն», «Ներոն», «Ինչ տարբերություն, թե ում հետ», «Ամնեզիա», «Պարոնայք, ամեն ինչ կործանվում է, բայց դեռ կարելի է ապրել և զվարճանալ», «Փնտրվում է տղամարդ», «Սկոտչ և վիսկի»։ Լուիզա Ներսիսյանը խաղացել է նաև Սամսոն Ստեփանյանի «Օպերա, օպերա», Արթուր Սահակյանի  «Ժանգոտ բանալի», «No Comment», Նարեկ Դուրյանի «Դոն Ժուան Ավիա», «Անտիգոնե», «Հոթել կալիֆորնիա», «Բումերանգ» ինչպես նաև ԱՄՆ-ում Վահիկ Փիրհամզեի բեմադրած «Նայիր աչքերիս մեջ» ներկայացումներում:

Լուիզա Ներսիսյանը նկարահանվել է Արա Երնջակյանի՝ «Սեր և Ծիծակ» հեռուստասերիալում, «Հոբելյանական հաճախորդ» կինոֆիլմում, «Ժաննա» լիամետրաժ խաղարկային կինոֆիլմում, Արշալույս Հարությունյանի «Սկոտչ և վիսկի» լիամետրաժ խաղարկային գեղարվեստական կինոնկարում, ինչպես նաև Հրանտ Մովսիսյանի «Մեր Բակը 3», Ռուբեն Քոչարի «Մետամորֆոզ», Վահան Խաչատրյանի «Տաքսի «Էլի լավա»», Հրաչ Քեշիշյանի «Երեք ընկեր», Մհեր Մկրտչյանի «Дед 005», Դավիթ Բաբախանյանի «Pocker.am» և «Քայլ ձիով», Արման Մարությանի «Սիրո գործակից», Շոն Բեյքերի (USA) «Tangerine», Ակակի Սախելաշվիլիի «Վերջին Մոհիկյանը», Ռեզո Գիգինեյշվիլիի «Առանց սահմանների», Հրաչյա Զախարյանի «Ընտանյոք հանդերձ», Հարություն Շատյանի «Սպասուհին», Մհեր Մկրտչյանի «Կյանք ու կռիվ», Վահե Փիրհամզեի «Երեք շաբաթ Երևանում», Էդգար Բաղդասարյանի «Էրկեն գիշեր», Արտյոմ Հարությունյանի «Պոլի», Գոռ Կիրակոսյանի «Սևազգեստ կանայք» ֆիլմերում։ Դերասանուհին զբաղված է եղել նաև  «Ամուսնացածների լիգա», «Սիրո գործակից», «Գտնված երջանկություն», «Սիրո հասակ», «Ռեստարտ 2020», «Սյուրպրիզ», «+-23», «Կորած օրագիր» հեռուստասերիալներում և Woman՚s club հեռուստանախագծում։
Լուիզա Ներսիսյանը հանդիսանում է Հայաստանի թատերական գործիչների միության անդամ։

Ներկայացումներ

Ռաֆայել Երանոսյան

Դերասան
Ծննդյան ամսաթիվ25․07․1981թ․
ԾննդավայրԱրմավիրի մարզ, գ. Լենուղի
Կրթություն«Հայֆիլմ» կինոստուդիային կից դերասանի ստուդիա
Մրցանակներ
2011թ. ՀՀ մշակույթի նախարարության շնորհակալագիր,
2015թ. ՀՀ մշակույթի նախարարության Գրիգոր Նարեկացի հուշամեդալ և պատվոգիր,
Ոստիկանության «ՊՆ Թիկունքն ամուր է» պատվոգիր։

Ռաֆայել Երանոսյանի գործունեությունը կամերային թատրոնում սկսվել է դասական դարձած սցենարով՝ նախ որպես բեմի բանվոր: Այնուհետև «Հայֆիլմ» կինոստուդիային կից դերասանի ստուդիան ավարտելուն զուգահեռ ներգրավվել է թատրոնի խաղացանկային ներկայացումներում. «Կաբարե», «Սասունցի Դավիթ Կոպերֆիլդ», «Լինսի show ծրագիր» («Ալբանիա +»), «Կառավարական համերգ», «Նազա՛ր, Նազա՛ր մինչև վերջ», «Արմմագեդոն», «Ամեն օր Ամանոր», «Լուսատտիկների կանչը»,  «Պարոնա՛յք, ամեն ինչ կործանվում է, բայց դեռ  կարելի է ապրել և զվարճանալ»,  «Շատ love story»,  «Ի զե՛ն», «Ամնեզիա», «Ճերմակ արագիլներ», «Սկոտչ և Վիսկի», «Սիրո խոստովանություն» «Տղաները չափն անցնում են, կամ էտյուդ կանանց մասին», «Ծննդյան վկայական» և ուրիշներ:
Ավելի հայտնի իր հումորային կերպարներով՝ Ռաֆայել Երանոսյանը նաև զբաղված է եղել մի շարք անտիպրիզային ներկայացումներում. «Ստոպ», «OK», «No Comment», «7 ու կես», «Գլամուրային չոբաններ», «Իմ կնոջ անունն է Մորիս», «Դոն Ժուանները Մարսելում», «Հոթել Կալիֆորնիա» և ուրիշներ: Վերջին տարիներին Ռաֆայել Երանոսյանը հանդես է գալիս նաև ստենդափ ժանրում՝ «Թրաֆֆիկ» և «Էվոլյուցիա» հումորային մոնո-ներկայացումներով, որոնք հյուրախաղերով ներկայացրել է Եվրոպայում, ԱՄՆ-ում, Ռուսաստանում:
2007-2010թթ.-ին նկարահանվել է «Կարգին հաղորդում», 2010-2013թ.-ին «Կարգին սերիալ», իսկ 2013թ.-ին՝ «No comment» հումորային նախագծերում և հոլովակներում:  Ռաֆայել Երանոսյանը վարել է «Բարի առավոտ» և «Արդյոք ովքեր են» ծրագրերը ռադիո և հեռուստաեթերներում:
Դերասանը նկարահանվել է գեղարվեստական ֆիլմերում և տարբեր հեռուստանախագծերում. «Քրմուհի»,  «Ալաբալանիցա», «Սուպեր մամա 1, 2», «Poker.am», «Կարգին սերիալ», «Սկոտչ և վիսկի», «Ժաննա», «Հայրերը», «Կալիգուլա», «Դեպի ճամբար», «Ազնիվ գողեր», «Սևազգեստ կանայք», «Մեծապատիվ մուրացկաններ», «Մեր բակ 25 տարի անց», ինչպես նաև «Կարգին հաղորդում», «32 ատամ», «Ամուսնացածների լիգա»և «Քարե դարդ» սիթքոմերում:
Ռաֆայել Երանոսյանը հանդես է գալիս նաև սեփական նախագծերով. «Ստրկուհի Իզաուռան», «ՄիկՌաֆոն», «Երեկոն Շանթում», «Դեպուտատի շոու-նախագիծ», «The Rafik show»:
Ռաֆայել Երանոսյանը զբաղվում է նաև բարեգործությամբ: Իր աջակցությունն է ցուցաբերում մանկատներին և աուտիզմով հիվանդ երեխաներին:

Ներկայացումներ

Քեթրին Մանասյան

Դերասանուհի
Ծննդյան ամսաթիվ07․11․1977թ
ԾննդավայրՔ. Երևան
ԿրթությունԱվարտել է «Հայֆիլմին» կից կինոդերասանի ստուդիան, կինոռեժիսոր Հենրիկ Մարգարյանի ղեկավարած կուրսը և Երևանի պետական էստրադային և ջազային արվեստի քոլեջի ջազ-վոկալ բաժնի Աշոտ Բզնունու ղեկավարած կուրսը:
Մրցանակներ
2005թ. «Հայֆիլմ» Կինոստուդիայի «Օսկար» մրցանակ,
2011թ. ՀՀ մշակույթի նախարարության պատվոգիր,
2013թ. ՀՀ Ազգային Ժողովի նախագահի շնորհակալագիր,
2013թ. Սյունիքի մարզպետի շնորհակալագիր,
2016թ. ՀՀ մշակույթի նախարարության պատվոգիր։

Քեթրին Մանասյանը 1998թ․-ից կամերային թատրոնի դերասանուհի է։ Առաջին ներկայացումը «Անտեր Ground»-ն էր, այնուհետև խաղացել և խաղում է թատրոնի խաղացանկային գրեթե բոլոր ներկայացումներում․ «Տիտանիկ, made in Armenia», «Կաբարե», «Միսս Հայաստան, անաստվածային կատակերգություն», «Լինսի show ծրագիր» («Ալբանիա +»), «Կառավարական համերգ», «Սոնատ թավջութակի համար», «Էտյուդ կանանց մասին», «Նազա՛ր, Նազա՛ր մինչև վերջ», «Շատ love story», «Արմմագեդոն», «Լուսատտիկների կանչը», «Ամեն օր Ամանոր», «Ի զե՛ն», «Հոբելյանական հաճախորդը» , «Ինչ տարբերություն, թե ում հետ»,  «Սիրային քառանկյունի», «Ռոմեո & Ջուլիետ», «Fe Show»:
Նա նաև եղել է «ԵրԿաթ» Փորդաքշնի պատրաստած տարբեր հեռուստահաղորդումներումների վարողն ու խմբագիրը․ «Շերշե լա ֆամ», «Շոու 1-02», «Գինես», «Քիթ-շքերթ», «Եղանակի տեսություն», «Ինտելեկտուալ ակումբ»:
Քեթրին Մանասյանը նկարահանվել է նաև մի շարք ֆիլմերում և հեռուստասերիալներում. «Սոնատ թավջութակի համար» հեռուստաներկայացում, «Արմենիկում UPSA», «Նախաճաշ երկուսի համար», «Թողություն», «Կրկին դպրոց» ֆիլմեր, ինչպես նաև «Ճակատագրի գերիները», «Եզրագծից այն կողմ», «Կարգին սերիալ», «Հրեշտակների դպրոցը», «Շերշե լա ֆամ», «Սարի աղջիկ» սերիալներում, «La casa de Papa», «Քեռանկյունի», «Բլբուլյանները», «Ազիզյանները», «Լինել, թե չլինել» սիթքոմերում։ Նկարահանվել է նաև կարճամետրաժ ֆիլմերում և տեսահոլովակներում։
Քեթրինը նաև պրոֆեսիոնալ երգչուհի է, մասնակցել է հայ էստրադային երգի «Կռունկ» փառատոնին և «Սայաթ-Նովա – 2003» համահայկական լավագույն երգի մրցույթին: Մասնակցություն է ունեցել Հ1 հեռուստաալիքի «Երկու աստղ» նախագծին։ Համագործակցել է տարբեր ջազային նվագախմբերի հետ։ Համերգ է ունեցել Բաթումի քաղաքի Take Five հեղինակավոր համերգային հարթակում։
2021թ.-ից որպես հրավիրված դերասանուհի խաղում է «Կին-Կոդ» անտրեպրիզային ներկայացման մեջ։
Մինչև կամերային թատրոնում աշխատելը` Քեթրինն ուժերը փորձել է հեռուստատեսությունում, եղել է հեռուստաթատրոն խմբագրության ռեժիսորի ասիստենտ։ Այնուհետև տարբեր հեռուստաալիքներով վարել է հաղորդումներ։ Քեթրինը վարում է նաև գրական երեկոներ, ասումունքում է։
Դերասանուհին մշտապես կատարել ու կատարում է տարբեր կինոֆիլմերի կրկնօրինակումներ:
Հայաստանի թատերական գործիչների միության անդամ է:

Ներկայացումներ