Մանուկ Հախվերդյան

Ծննդյան ամսաթիվը՝ 01․07․1963թ․
Ծննդավայրը՝ Թեհրան, ԻԻՀ

Մրցանակներ
«Հումոր և սատիրա» հանրապետական փառատոնի ժամանակ արժանացել է 2-րդ մրցանակին։
2011թ. Հայ թատերարվեստի ասպարեզում ունեցած զգալի ավանդի համար, ինչպես նաև ՀՀ անկախության 20-ամյակի առթիվ պարգևատրվել է ՀՀ մշակույթի նախարարության պատվոգրով։

Մանուկ Հախվերդյանը դերասանական գործունեությունն սկսել է Աշտարակի դրամատիկական թատրոնում:
Կամերային թատրոնի դերասան է 2002թ.-ից։ Մուտքը թատրոն եղել է «Միսս Հայաստան» ներկայացումով։ Խաղացել և խաղում է նաև մի շարք այլ ներկայացումներում․ «Տիտանիկ, made in Armenia», «Ներոն», «Միսս Դժոխք», «Սասունցի Դավիթ Կոպերֆիլդ», «Էտյուդ կանանց մասին», «Ամեն օր Ամանոր», «Կաբարե», «Կառավարական համերգ», «Ի զե՛ն», «Ալբանիա +», «Շատ love story», և այլն։ Նա նկարահանվել է Արա Երնջակյանի «Ժաննա» գեղարվեստական կինոֆիլմում:
Մանուկ Հախվերդյանը եղել է Հայկական երկրորդ հեռուստաալիքի «Պահմտոցի» հաղորդման գլխավոր գործող անձերից մեկը: Նկարահանվել է «Մեր բակը»,  «Ընտրություն», «Լռության սիմֆոնիա», «Պարոն Մարտիրոս», «Դիպուկահարը», «Վիրտուոզը» և այլ ֆիլմերում:
Հայաստանի թատերական գործիչների միության անդամ է։