Սև արկղ

Ներկայացման հիմքում ընկած է մեկ երեկոյի պատմություն, երբ 7 ընկերներ հավաքվում են հաճելի և որևէ վատ բան չենթադրող ընթրիքի։
Որքա՞ն է դա նման մեզ՝ հավաքվել ընկերներով սեղանի շուրջը և զրուցել ամեն ինչից՝ մերթընդմերթ աչքը գցելով պատուհանից երևացող գեղեցիկ տեսարանի վրա։
Համեղ ուտեստներ, գինի, և, իհարկե, ամենանուրբ թեմաների քննարկում՝ սպասքը թարմացնելու ընթացքում։
Սուր կատակները, հասունացող դրամատիկ կոնֆլիկտը, կենտրոնացած մտորումները և նոր, աներևակայելի սյուժետային շրջադարձերի շարքը, վայրկյան անգամ թույլ չեն տա հանդիսատեսին շեղել ուշադրությունը։
«Սև արկղ» ներկայացումը, որն սկսվում է որպես ընկերության և ընտանեկան հարաբերությունների նրբություններին նվիրված սովորական կատակերգություն, անսպասելիորեն վերափոխվում է մի աղաղակող իրավիճակի, երբ սովորական բջջային հեռախոսն ու կարծես անմեղ թվացող խաղը, կարող են դառնալ հիրավի կործանարար՝ բացահայտելով բազում կոծկված գաղտնիքներ։